من طرف طريقة عمل فطيرة الفراخ المشويه مع الخضار
وهى عبارة عن تشكيلة من الخضار وصدور فراخ مشويه (فكرة لو عندك بواقى فراخ واى خضار ومش عارفة تعملى بيهم ايه) تقدرى تستغنى عن اى حاجة من المكونات حسب المتوفر عندك
وقت التحضير: ١ ساعة ٣٠ دقيقة وقت الطبخ: ٢٠ دقيقة عدد الوجبات: ٤ المطبخ: وصفات و اكلات مصرية
طريقة تحضير وصفة فطيرة الفراخ المشويه مع الخضار بخطوات واضحة ومقادير دقيقة من مجموعة وصفات معجنات وفطائر، حضريها لـ٤ أشخاص
مقادير فطيرة الفراخ المشويه مع الخضار
2 كوب دقيق2 ملعقة كبيرة لبن بودرة
1 ملعقة كبيرة سكر
3 ملاعق كبيرة زيت
1 ملعقة كبيرة خميرة
ربع ملعقة محسن خبز (اختيارى)
رشة ملح
ماية دافيه للعجن
مقادير الحشو:
2 صدر دجاج مشوى
2 معلقة كبيرة خرشوف سوتيه
2 معلقة كبيرة مشروم
3 معلقة كبيرة سبانخ فريش
2 معلقة كبيرة فلفل اخضر
2 معلقة كبيرة فلفل احمر
2 معلقة كبيرة فلفل اصفر
بصلة كبيرة مقطعة جوانح
2 معلقة كبيرة صوص بشاميل ثقيل
شرايح من الجبنه الشيدر
ملح- فلفل اسود- رشة كبيبة صينى- بودرة ثوم- بودرة بصل
طريقة تحضير فطيرة الفراخ المشويه مع الخضار
١. تخلط كل المكونات معا ويعجن جيدا حتى تصبح لديكى عجينه متماسكه وطرية مثل القطنه.٢. قومى بدهن بوله قليل من الزيت وضعي العجين تغطى بفوطه او بلاستك شفاف حتى تخمر حوالى ساعة او اقل حسب المكان.
٣. فى مقلاة على النار بها قليل من زيت الزيتون ضعي البصل الجوانح ويقلب مع رشة ملح حتى يذبل نضع المشروم والسبانخ والفلفل الالوان ويقلب ضعي الخرشوف والفراخ والتوابل ويقلب ضيفي البشاميل ويقلب ويرفع من على النار.
٤. قسمى العجين لجزئين افردي اول جزء ليكون قاعده بالصينيه ضعي الحشو وغطيه بشرائح الجبنه ثم افردي الجزء التاني للعجين وضعيه على الحشو واغلقي الحروف جيدا.
٥. اخلطى اقل من ربع كوب لبن مع ربع ملعقة صغيرة نسكافيه وبيضة صغيرة ادهني العجين، رشي سمسم او حبة البركه.
٦. تدخل فرن ساخن مسبقا حتى تكتسب اللون الذهبى.
